Добредојдовте на веб-страната на ЗДМГПС-Скопје

registracijaДруштвото за македонско-германско пријателство и соработка е невладина и граѓанска организација која со својата работа ја поддржува македонско-германската културна, академска и научна соработка. Друштвото е формирано во 1994 година, а негови членови се голем број на угледни германисти, лекари, професори и стопанственици кои развиваат интензивна соработка со партнерски организации и инстутуции од СР Германија.

Во рамките на својата работа друштвото има активна и постојана соработка со претставништва на германски организации во Р. Македонија, а пред се со Амбасадата на СР Германија и Канцеларијата за врски на Гете-Институтот во Скопје.

 

Печати

Стипендиската програма на Германското стопанство за 2018 година

Во рамките на стипендиската програма, високо квалификувани кандидати од Западниот Балкан учествуваат во три до шестмесечна пракса во водечки германски претпријатија.

Аплицирајте од 1 октомври до 13 ноември 2017 година!

Повеќе информации на следниов линк

Печати

Poetry Slam

Покана за првата Poetry Slam работилница во Скопје

Поезија? Настап? Талент шоу? На еден Poetry Slam му се потребни следниве состојки: текст, сопствен ритам, игра и желба за  натпревар, трка со времето и еден јавен микрофон.

Poetry Slam инспирира многу луѓе ширум светот да го откријат сопствениот израз и да се пронајдат во сопствените зборови. Но исто така е и можност да се сподели внимание, да се сослуша еден со друг и да се дадат нови одговори.

Тимо Брунке заедно со уште неколкумина поети го започнаа Poetry Slam во Германија. Тој е слободен уметник и долги години го обликуваше Poetry Slam-от во Германија. До денес тој им помага на младите и на студентите и им го покажува патот до првиот свој текст и до првиот свој настап.

Што треба да понесете: Едно пенкало, хартија, желба за креативно пишување и за ново и убаво искуство. Искористете ја шансата! Пораснете надвор од себе!

Печати

Концерти на ансамблот „Хоризонте“ - Германија

Почитувани членови и пријатели,

Друштвото за македонско-германско пријателство и соработка Скопје заедно со СОКОМ и Гете-Институт Скопје со задоволство Ве поканува на концертите на германскиот ансамбл HORIZONTE што ќе се одржи во

рамките на „Деновите на македонска музика“ 2017:

Датум и време: 11.04.2017, и 12.04.2017, 20:00 часот

Место: Музеј на Град Скопје

Влез: слободен

За ансамблот

Ансамблот ХОРИЗОНТЕ од своето формирање во 1990 година до денес делува во различни формации, и е посветен пред сè (но не исклучиво) на изведба на современа музика. Традиционалното и модерното, како и интеракцијата помеѓу музиката и другите уметнички жанровипретставуваат најважниот елемент во уметноста на ансамблот, што ги отвора вратите на современиот звук за пошироката публика, не поставувајќи го претходно музичко знаење и искуство како предуслов. Ансамблот ХОРИЗОНТЕсоработува со бројни реномирани музичари, уметници, и композитори, на театарси проекти и проекти и со други организатори во Германија и странство. 

Број на гледања на артикли
81844

Имаме присутни 10 гости и нема членови